DIAMOND STORE

服務詳情

服務種類:
鑽飾選購
整體評分:
整體評分 
4.75
4.8分
產品/套餐價格: 結婚對戒: HK$8820 起
(因金器的購買價格乃根據飾金牌價及金器重量而釐定,以上鑽飾選購之金器的價格僅作參考)
提供來款訂造服務

照片集

服務/產品價格及詳情

暫未啟用

服務/產品價格及詳情

暫未啟用

服務/產品價格及詳情

暫未啟用

評語 提交評語

angelying 2017/11/23 12:58:02

我自己本身唔鍾意鑽石戒指,覺得太誇張,而我喺Diamond Store搵到一對啱我地心水嘅戒指。呢對戒指表面係磨砂,好raw,好原始,我就係鍾意簡簡單單。佢地介紹對戒指係由佢地自己設計,本身上面有字,不過係可以改嘅。本身戒指上面刻住"Je t'aime" 呢個字,但我地覺得呢個字好似好普通,所以我就轉刻 "An Soeur", 即係靈魂伴侶嘅意思, 因為我一直都覺得我既另一半要係我靈魂伴侶。

佢地啱啱搬咗新鋪,好光猛,雖然decoration唔係好多,但感覺好舒服!而且我覺得佢地啲員工好有熱誠,唔會好hard sell。戒指係佢地老闆design,佢地會好有heart咁介紹有關嘅設計意念。

因為我地揀嗰對戒指本身係玫瑰金,但我地就想要白金,所以佢地要重新再整多次對戒指,變咗都要等一段時間先攞到隻戒指。戒指造工都好好,但因為我隻手好細,所以隻戒指同啲字都好細,但其實都無辦法,老闆都已經特登叫師傅整咗3次,好在整出到黎都係清楚嘅。戒指既package係類似書仔咁樣既盒,盒上面都有我地個名,都幾特別!

不過如果佢地款式再多啲就更加好,好似我地本身睇啱款但想要銀色(白金),但佢就冇,我地唯有影咗相返去自己用photoshop改銀色,睇下個效果靚唔靚。不過雖然小店款式冇大型連鎖店咁多,但佢地真係好有熱誠,值得支持!!

整體滿意度 
4.5
4.5分 (1 vote)
服務態度 
4.5
4.5分 (1 vote)
價格適中 
4.5
4.5分 (1 vote)
款式選擇 
3
3.0分 (1 vote)
造工 
4
4.0分 (1 vote)
商戶名稱
DIAMOND STORE
所使用的服務 
鑽飾選購
產品/服務種類 
結婚對戒
婚宴日期 
2017/12/12
是次最終消費 
HK$ 8000
DIAMOND STORE 2017/11/24 15:07:01

Congratulations❣️
Thank you for choosing DIAMOND STORE💎

Yipyuchim 2017/10/19 09:07:45

The Diamond Store老闆娘係我舊同學,所以我一早已經喺facebook fan page睇過佢哋嘅戒指。我第一次去幫襯佢時係買求婚戒指,其實自己都無買過鑽石,所以唔識睇,但佢哋夫妻檔就由頭介紹鑽石好壞同grading嗰啲點分,之後佢哋就問清楚我budget有幾多同埋想要咩款。我覺得佢哋比出面啲舖頭細心,唔會一次過攞好多出嚟,而係真係就住你個range揀咗啲款俾你睇,再就住你意見慢慢攞其他款俾你比較一下。後來我買完再上去攞求婚戒指時,佢打開個盒俾我睇,我即刻驚訝點解覺得好似閃咗好多!原來戒指盒係有LED,等粒鑽石反光閃啲,我一見到真係覺得好新奇!

到求婚成功後,就要搵結婚戒指。其實初頭都係有上網搵過其他店又去過啲大舖門市度睇,但係一係就覺得個款唔夠個人化,一係就覺得太過花巧。另一方面,因為我做飲食業,基於食物安全要求(HACCP)就唔可以戴有石嘅戒指。第一係怕佢會跌咗粒石出嚟,第二就係怕佢粒石啲縫會唔乾淨引致交叉感染。所以即使見到forever couple有對雕花刻字戒指都幾靚,但因為都係戴唔到返工就無揀到。所以之後就諗,不如都係問吓朋友有無好介紹,就同未婚妻一齊上咗The Diamond Store。

我哋去到坐低之後,佢哋都俾咗幾款我哋揀,佢唔會hard sell同chur我哋,俾我哋慢慢揀,又攞啲款俾我哋自己對下啱唔啱,成個感覺都好舒服,唔會好似其他出面其他門市鋪sell你啲最新嘅product同埋叫你加購。其實佢哋basic服務都好nice,不過一去到佢哋間舖,一開始時感覺上好似有少少緊張。因為買戒指呢啲嘢,始終都擔心價錢,如果一入去舒服啲同warm啲,都會令人可以輕鬆啲咁睇,亦可以更容易揀到自己想要嘅嘢。

整體滿意度 
4.5
4.5分 (1 vote)
服務態度 
4.5
4.5分 (1 vote)
價格適中 
4
4.0分 (1 vote)
款式選擇 
4
4.0分 (1 vote)
造工 
4.5
4.5分 (1 vote)
商戶名稱
DIAMOND STORE
所使用的服務 
鑽飾選購
來款訂造
產品/服務種類 
結婚對戒
婚宴日期 
2018/03/26
是次最終消費 
HK$ 12000
DIAMOND STORE 2017/11/24 15:06:42

Congratulations❣️
Thank you for choosing DIAMOND STORE💎

DIAMOND STORE 2017/11/24 15:06:45

Congratulations❣️
Thank you for choosing DIAMOND STORE💎

Totoro 2017/05/24 12:52:31

光顧佢地之前都有睇過其他舖頭嘅,但都睇唔啱。我喺呢度最初睇啱嗰個款中間有少少凸花,係周大福周生生都冇,不過我最終冇要呢個款,揀咗第二個款。最後我揀嗰款都係類似,不過唔係凸花,因為我自己覺得凸花會容易藏烏糟嘢,有啲擔心,因為始終結婚戒指戴咗都唔會除。

銷售過程佢係冇hard sell,都有俾D建議我,不過我揀戒指都主要根據自己喜好。佢有俾幾個款我睇,問我大約鐘意啲咩,有呢啲款佢就攞晒俾我睇。佢地都好有禮貌,整體嚟講係舒服嘅。

希望佢地可以推廣多啲,因為正常好難認識到佢地,如果我唔係去會展咁啱經過佢地都唔會知道有呢間舖頭。

整體滿意度 
4.5
4.5分 (1 vote)
服務態度 
4.5
4.5分 (1 vote)
價格適中 
4
4.0分 (1 vote)
款式選擇 
3.5
3.5分 (1 vote)
造工 
4
4.0分 (1 vote)
商戶名稱
DIAMOND STORE
所使用的服務 
鑽飾選購
產品/服務種類 
結婚對戒
婚宴日期 
2017/05/01
是次最終消費 
HK$ 7600
DIAMOND STORE 2017/11/24 15:10:10

Congratulations❣️
Thank you for choosing DIAMOND STORE💎

Expresso 2017/05/12 21:58:09

搵Diamond Store係因為我地想搵嘅款佢地嗰度有,價錢方面都幾吸引,因為我地都睇過好多間,市面上好多大牌子細牌子都睇過,都係覺得佢最適合。

服務方面,佢地係好願意幫客人,我地去到展覽會嗰陣去佢個booth,我地同佢講番我地嘅要求,佢都好細心話俾我地聽做唔做到,再攞佢地現有嘅板俾我地睇,真係好細心去follow up同去睇我地想要嘅係咩,唔會好似其他公司咁—係唔係都話做到做到,但係俾我地睇嘅嘢就唔似我地想要嘅!

我地想要嘅款係如果市面上造得到價錢會多好多倍,有啲品牌係tailor-made,但俾我地嘅價就唔係我地budget中,大牌子因為有埋個branding所以都要二三萬,Diamond Store嘅價錢可以去到三份一至四份一。佢地口碑真係好好,話如果有咩問題會同我地執一執,佢開頭俾左個圖案我地睇,然後個圈嘅大細又好似有啲問題,個engraving又唔係好正中,我地睇吓就覺得咦係咪有啲嘢要改呢,後來睇番佢真係會願意幫我改同埋執番呀各樣,我地要求嘅嘢佢都做得番俾我地,到正式收貨嘅時候係好滿意。另外,個包裝都係好滿意,都好tailor-made嘅,我地俾左個要求嘅font佢地俾左圖片佢,佢地又話番︰「介唔介意send番個好啲嘅resolution呀?」個communication係好清晰,個盒好unique,就算係出面天價嘅都未必做到。

整體滿意度 
5
5.0分 (1 vote)
服務態度 
5
5.0分 (1 vote)
價格適中 
4.5
4.5分 (1 vote)
款式選擇 
5
5.0分 (1 vote)
造工 
4.5
4.5分 (1 vote)
商戶名稱
DIAMOND STORE
所使用的服務 
鑽飾選購
來款訂造
產品/服務種類 
結婚對戒
婚宴日期 
2016/06/02
是次最終消費 
HK$ 8500
DIAMOND STORE 2017/11/24 15:09:51

Congratulations❣️
Thank you for choosing DIAMOND STORE💎

snowb 2017/05/03 16:36:40

Diamond Store係由朋友介紹,因為我有2位朋友都試過喺diamond store度訂結婚戒指,佢哋都覺得Diamond Store服務態度同quality都好。另一方面,我同我先生喺出面啲大舖頭唔係太搵到我哋想要嘅嘢,見到好多都係同一個模或款式去製作好多隻。當時我哋想買好plain乜都無嘅戒指,喺大店一啲都唔易搵,就算搵到個價錢都係唔合理地高,竟然plain嘅戒指係仲貴過有石嘅戒指!而且,我哋想要一對好獨特,無人會同我哋一樣嘅結婚戒指,所以我哋就都想幫襯有人情味的細店。

第一次上去嘅時候我哋都係因為朋友介紹呢間店就自己摸上去,去到嘅時候佢哋都同我哋講要預約先,不過當時我有pair朋友就係喺入面揀緊戒指,就俾我哋一齊睇吓。我覺得佢哋態度都好好,好有禮貌咁同我哋解釋要預約先上去,想一個時間reserve俾一對新人。我哋都好欣賞佢哋都好respect每對客人,想俾充裕嘅空間同時間佢哋揀,於是我哋第二次再上去就係事前預約好。第二次上去嘅時候感覺都幾好,唔會有消費壓力,不過都會有揀咗戒指款之後即刻落訂先有嘅優惠。因為我哋對戒指嘅價錢係少於一萬,所以當時我哋落訂就係即時俾晒全費。我哋都覺得OK,因為整戒指都要成本。當時佢哋幫我哋度尺碼時,發現我先生的手指比較幼,可以用少啲材料去造戒指,就好主動地提出減價,所以我都覺得佢哋好有良心嘅店舖。

至於設計方面,Diamond store唔單止俾我哋tailor made,更加係好用心咁向我哋講解如果我哋想要某啲造法,對戒指出到黎就會有咩效果。當時我上到佢哋店,咁啱見到一隻樹紋嘅戒指,我同我先生都好鐘意,覺得樹代表到生命, 所以最後我哋就決定戒指嘅設計係一半plain, 一半樹紋。另一方面,因為我自己唔鐘意戴幼戒指,所以我隻戒指係同我先生嗰隻一樣咁粗,呢樣又係其中一樣坊間難搵到嘅設計,出面通常係女仔嗰隻係幼身款。所以我好欣賞佢哋願意幫我哋整到一樣咁粗,我覺得咁先係真正嘅tailor made,真係幫你造到啱自己心意嘅款式出黎,而唔係大公司框架底下嘅tailor made。

嗰時大約預2-3星期後有成品,都只係靠佢手繪嘅設計圖去睇大約嘅design,中間唔會有模或半成品睇,所以都要靠自己去想像一下。到第一次攞到成品,有少少唔開心嘅地方係我喺whatsapp度同佢講過嘅一啲要求,最後喺成品度係無做到,有少少失望。另一方面,由於老闆佢話佢自己好年輕就已經開始賣戒指,我都好相信佢嘅專業,可惜最後收到戒指時,我嗰隻係好鬆,鬆到可以直接”fing”甩到出黎,所以一定要改size。我先生嗰隻都有啲鬆,大力”fing”的話都會甩出黎,但夏天隻手脹脹哋就好一啲。我向佢哋提出之後,佢哋都有道歉,然後就要求我加錢去改size,因為有石款通常一改就要全隻再造過。當時我都有同佢哋理論,因為係佢哋幫我度好再造,但宜家要我加錢再改。攞戒指當日,我有同佢哋約好時間,但咁啱又有另一位客人喺度。佢見要同我理論,就搵咗Fiona同我入房傾呢件事。同佢傾時佢話覺得我個設計好好,最後佢都願意幫我重新整過一隻新的,我唔啱嗰隻就俾佢哋放喺舖頭當Demo用,不過都要俾做戒指adjustment的錢。我覺得佢哋都做咗啲補償,但事實上我認為唔應該要我再俾錢。結果我俾咗$250再加$50的刻名費,所以最後係俾多$300先有一隻啱我手指size嘅戒指,中間嗰段時間仲要來來回回上多佢哋舖頭幾次。因為我放工較夜先可以過去,工作地點同佢哋舖頭又唔係同區,我都擔心佢哋要等到太夜,所以嗰段時間其實都幾困擾。我覺得主要應該係度戒指嗰部分出咗問題,可能因為度嗰時有個大圈圈住晒啲度尺碼嘅細戒指圈,我度嗰時就無甩出黎。我諗如果一開始拆啲細圈出黎度的話就可以準確點,因為最後個ring size由9.5號改到8號先啱,個差別都幾大。

雖然有啲小事件唔太開心,但其實戒指品質都好好,又好特別地用木盒去裝。木盒上可以刻字,我可以特別揀font send俾佢哋幫我印上去,我都好滿意。我覺得如果佢哋可以加設referral優惠的話,應該可以令到更多人推介朋友或家人去佢哋間店買嘢呢!

整體滿意度 
4
4.0分 (1 vote)
服務態度 
4.5
4.5分 (1 vote)
價格適中 
4.5
4.5分 (1 vote)
款式選擇 
3.5
3.5分 (1 vote)
造工 
4.5
4.5分 (1 vote)
商戶名稱
DIAMOND STORE
所使用的服務 
鑽飾選購
來款訂造
產品/服務種類 
結婚對戒
婚宴日期 
2017/02/11
是次最終消費 
HK$ 9300
DIAMOND STORE 2017/11/24 15:09:35

Congratulations❣️
Thank you for choosing DIAMOND STORE💎

頁面